கழுதைக்கு தெரியுமா கற்பூர வாசனை என்பார்கள்: அது போல உலகப் புகழ் பாடகர், சூப்பர் ஸ்டார் எட் ஷிரன், பெங்களூரில் பாடிக்கொண்டு இருந்தவேளை, ஏதோ தெருப் பாடகர் என்று நினைத்த பொலிஸ் அதிகாரி, ஓடி வந்து மைக்கை அணைத்துள்ளார்.
இந்தியாவில் எட் ஷீரான் தெருவில் பாடிக்கொண்டிருந்தபோது, பொலிஸார் அவரது நிகழ்ச்சியை தடுத்த சம்பவம் அரங்கேறியுள்ளது. பெங்களூரில் நடந்த இந்த நிகழ்வில், 33 வயதான சூப்பர் ஸ்டாரை பொலிஸ் அதிகாரி அடையாளம் காணத் தவறியதால், அவர் பாடிக்கொண்டிருந்தபோது அவரது மைக்ரோஃபோனை அணைத்தார்.
எட் தனது பிரபலமான “ஷேப் ஆஃப் யூ” பாடலைப் பாடிக்கொண்டிருந்தபோது, அதிகாரி ஒருவர் அதிருப்தியுடன் நடந்து வந்து மைக்ரோஃபோனை அணைத்தார். பார்த்துக் கொண்டிருந்த ரசிகர் ஒருவர், அவர் எட் என்று விளக்க முயன்றார், ஆனால் அவர் தொடர்ந்து மைக்ரோஃபோன் இணைப்பை அணைத்தார். பின்னர் எட் Church தெருவில் கூடியிருந்த மக்களிடம், “நாங்கள் ஒன்றுக்கும் மேற்பட்ட பாடல்களைப் பாட இருந்தோம், ஆனால் ஒரே ஒரு பாடல் மட்டுமே பாட அனுமதிக்கப்பட்டோம், எனவே அது போதும் என்று நம்புகிறேன்” என்று கூறினார்.
ஞாயிற்றுக்கிழமை எட் தனது ஸ்டோரியில் இந்த வீடியோவைப் பற்றி, தெரிவித்து இருந்தார். வேறு நாடுகளில் எட் ஷிரன் பாடுகிறார் என்றால், டிக்கெட்டே கிடைக்காது. வரிசையில் நின்று தான் உள்ளே செல்லவேண்டும். ஆனால் அவர் யார் என்று இந்தியாவில் பலருக்கு தெரியாமல் இருப்பது தான் ஆச்சரியமான விடையம்.